Bakı. Trend:
Avropa İttifaqı (Aİ) ölkələrində Qarabağa investisiya qoymaq arzusunda olan şirkətlərin sayı artıb.
Trend-in məlumatına görə, bunu Bakıda keçirilən Aİ-Azərbaycan biznes forumunda forum qrupunun rəhbəri Boqdana Efe deyib.
O bildirib ki, Aİ-nin 2021-ci ildə Azərbaycanın işgüzar mühiti ilə bağlı araşdırmasına əsasən, Avropa müəssisələrinin 54 faizi Qarabağ və Şərqi Zəngəzura investisiya qoymaqda maraqlarını bildiriblər.
"Eyni zamanda şirkətlərin 40 faizi Qarabağ və Şərqi Zəngəzurun hesabına öz bizneslərini genişləndirməyə hazırdır", - deyə o bildirib.
B.Efe deyib ki, alternativ enerji, "yaşıl" layihələr və nəqliyyat infrastrukturu Qarabağ və Şərqi Zəngəzur regionlarında investisiya üçün cəlbedici istiqamətlərdəndir və şirkətlərin 30 faizi bu sahəni vurğulayıb.
O əlavə edib ki, 25 faizə yaxın respondent kənd təsərrüfatı və emal sənayesini prioritet istiqamət kimi adlandırıb.
(Tərcümə: Orxan Nəbiyev)