Bakı. Trend:
Azərbaycan Mərkəzi Bankının nümayəndə heyəti Qazaxıstan Respublikasının Maliyyə Bazarının Tənzimlənməsi və İnkişafı Agentliyinin dəvəti ilə Almatı şəhərində keçirilmiş ikitərəfli görüşlərdə iştirak edib.
Trend Mərkəzi
Banka istinadən xəbər verir ki, görüşlər çərçivəsində vençur və
kraudfandinq maliyyələşməsi, həmçinin kapital bazarlarının
tənzimlənməsi və inkişafı sahəsində təcrübə mübadiləsi
aparılıb.
Məlumata görə, görüşlərdə tənzimləyici yanaşmalar, qanunvericilik
bazasının təkmilləşdirilməsi və bazar iştirakçılarının fəaliyyət
prinsipləri müzakirə olunub.
Həmçinin hər iki ölkənin tənzimləyici qurumları arasında təcrübə mübadilələrinin davamlı şəkildə həyata keçirilməsinin əhəmiyyəti vurğulanıb.