Bakı. Trend:
Bu ilin yanvar-may aylarında magistral qaz kəmərləri ilə 17,129 milyard kubmetr qaz nəql edilib.
Bu barədə Trend Dövlət Statistika Komitəsinə istinadən xəbər verir.
Məlumata görə, bu göstərici 2024-cü ilin yanvar-may aylarına nisbətən 1,3 faiz azalma deməkdir.
Qazın nəqlinin 54,1 faizi Bakı-Tbilisi-Ərzurum Cənubi Qafqaz boru kəməri vasitəsilə həyata keçirilib və 9,272 milyard kubmetr qaz ötürülüb.
2025-ci ilin yanvar-aprel aylarında nəqliyyat dəhlizlərində dəmir yolu nəqliyyatı ilə 4,809 milyon ton, dəniz nəqliyyatı ilə 2,360 milyon ton və avtomobil nəqliyyatı ilə 3,499 milyon ton yük daşınıb.