Azərbaycan, Bakı / Trend müxbir U.İsmaylova/ Azərbaycanın Lizinq Şirkətləri Assosiasiyası (ALŞA) Amerikanın ACDI/VOCA xüsusi qeyri-kommersiya təşkilatı ilə lizinq bazarının iştirakçıları üçün treninqlərin aparılması üzrə texniki yardım barədə razılığa gəlib. Bu barədə ALŞA-nın icraçı direktoru Natiq Zeynalov məlumat verib.
"Treninqlər Azərbaycanın lizinq bazarı iştirakçılarının biliklərinin artırılmasına imkan yaradacaq" - deyə Zeynalov bildirib.
Zeynalovun sözlərinə görə, treninqlər lizinq üzrə yerli və xarici ekspertlər tərəfindən aparılacaq.
ACDI/VOCA bazar iqtisdiyyatına yeni daxil olan ölkələrin sahibkarlarına texniki yardım göstərən və treninqlər təşkil edən bir təşkilatdır.
