...

Azərbaycan hökuməti ÜTT-yə qəbulla bağlı "doqquz addım" layihəsini nəzərdən keçirir

Biznes və iqtisadiyyat xəbərləri Materials 12 Oktyabr 2007 12:19 (UTC +04:00)

Azərbaycan, Bakı / Trend müxbir İ.Xəlilova/ Azərbaycanın ÜTT-yə qəbul üzrə Dövlət Komissiyası hökumətə Şuranın yaradılmasını və digər milli tədbirlərin həyata keçirilməsini nəzərdə tutan "doqquz addım" sərəncam layihəsini təqdim edib. Bu barədə iqtisadi inkişaf nazirinin müavini Mikayıl Cabbarov məlumat verib.

"Biz ümid edirik ki, 2007-ci ilin sonuna qədər biz ÜTT-yə qəbul üzrə İşçi qrupla Cenevrədə danışıqlar apara biləcəyik. Konkret qanunvericilik aktlarına düzəlişlər artıq hökumətlə razılaşdırılıb və Azərbaycan prezidentinin İcra Aparatına təqdim olunub" - deyə Cabbarov bildirib.

Sərəncam layihəsində tədbirlərin görülməsi üzrə doqquz istiqamət nəzərdə tutulub. Bu istiqamətlərin əsas məqsədi ölkə qanunvericiliyinin ÜTT-nin tələblərinə uyğunlaşdırılmasıdır.

"Azərbaycan İşçi qrupa daxil olan 26 ölkə ilə danışıqları başa çatdırmalı və onlarla protokol imzalmalıdır" - deyə nazir müavini qeyd edib. Danışıqların bitməsi ilə bağlı protokol yalnız Türkiyə ilə imzalanıb, Oman, Gürcüstan, BƏƏ və Moldova ilə razılıq əldə olunub.

Digər bir istiqamət isə xarici əmtəələrin və xidmətlərin Azərbaycan bazarına daxil olması ilə bağlı şətrlərin razılaşdırılmasıdır. Xidmətlərlə bağlı təkliflər artıq hazırlanıb və yaxın zamanlarda idxal olunan malların tarifləri ilə bağlı təkiflərin hazırlanması başa çatacaq.

"Dövlət Komissiyasının növbəti iclasının keçirilməsi bu təkliflərin hazırlanmasından asılıdır" - deyə Cabbarov bildirib.

Azərbaycanın ÜTT-yə qəbul üzrə danışıq qrupu iynunu 21-də İşçi qrupun qeyri-rəsmi görüşünü keçirib.

Bu vaxta Azərbaycan ÜTT ilə dörd görüş keçirib. İlk iki görüş xarici ticarət rejiminin müzakirəsinə həsr olunub, 2005-ci ildən sonra keçirilən digər iki görüşdə isə Azərbaycan genişmiqyaslı danışıqlara başlayıb. İkitərəfli danışıqlar Azərbaycan bazarına əmtəə və xidmətlərin daxil olması, kənd təsərrüfatının çoxtərəfli və daxili dəstəklənməsi, bu sahədə ixrac subsidiyaları kimi məsələlərə həsr olunub.

1997-ci ildən Azərbaycan ÜTT-də müşahidəçi qismində təmsil olunur.

Xəbər lenti

Xəbər lenti