Azərbaycan, Bakı, 28 fevral / " , müxbir Ü.İsmayılova / Azərbaycan Beynəlxalq Bankı özəl sektorun inkişafı üzrə İslam Korporasiyasının xətti ilə iki layihə maliyyələşdirib. (İslam İnkişaf Bankı qrupuna daxildir). Bu haqda cümə axşamı bankın marketinq şöbəsinin direktor müavini Behnam Qurbanzadə məlumat verib.
ABB-da 4,5 mln. dollar həcmində olan bu kredit xətti 2004-cü ildə açılıb. Xətt kiçik və orta sahibkarlığın inkişafı üçün təyin olunub. Bank birinci layihə üçün - akkumlyator zavodunun tikintisinə 2 mln., ikinci layihə üçün - mebel zavodunun tikintisinə 2,5 mln. dollar vəsait ayırıb.
Qurbanzadənin sözlərinə görə, artıq bu ləyihələr üzrə vəsaitin qaytarılmasına başlanılıb. Hazırda Beynəlxalq Bank İslam Korporasiyasından ikinci kredit xəttinin alınması imkanlarını nəzərdən keçirir. Korporasiya artıq Azərbaycan banklarına 10 mln. dollara qədər vəsait təqdim etməyə hazır olduğunu bəyan edib
"İslam Korporasiyası yeni layihələrin cəlb edilməsi məqsədilə bir layihə üçün kreditin maksimal limitini azaltmaq niyyətindədir" - deyə Qurbanzadə bildirib.
Müəlliflə əlaqə: capital