Qazaxıstan bankı Azərbaycanda bank almaq niyyətindədir
Azərbaycan, Bakı, 28 fevral / Trend , müxbir İ.Xəlilova/ Qazaxıstanın "Xalık Bank"ı çox da böyük olmayan bir bankın alınması məqsədilə Azərbaycanın bank bazarına daxil olmağı planlaşdırır,- cümə axşamı Azərbaycanın bank dairələrindən bu barədə məlumat verilib. Hazırda perspektivli məsələlərdən hesab olunan Azərbaycanın bank bazarına daxil olmaq məsələsi nəzərdən keçirilir.
2011-ci il üçün bu maliyyə qrupu xarici bölmələrin payını öz göstəricilərində 30 faizə qədər artırmaq niyyətindədir. Xüsusən də "Xalık Bank"ın lider mövqelərə malik olduğu dairələrdə təmərküzləşməyi planlaşdırırlar.
"Xalık Bank" artıq xaricdə 3 törəmə strukturunu qeydiyyatdan keçirib: biri Gürcüstanda və digər ikisi Monqolustanda. Bu bankın Rusiya, Qırğızıstan və Niderlandda da öz bölmələri var. Kapital bazarında yaranmış ağır vəziyyət bu prosesi nisbətən zəiflətsə də, dayandırmamışdır. Qazaxıstanın çox da böyük olmayan daxili bazara malik olması Qazaxıstanın bank biznesində iştirak edən bütün ciddi fiqurlar üçün xarici bazara çıxışı əhəmiyyətli edir.
"Fitch" beynəlxalq reytinq agentliyinin məlumatına görə, nəhayət , 2007-ci ilin üçüncü rübündə "Xalık Bank" aktivlərin artırılması üzrə sektorda 12,1 faizlik payı qazanmaqla, Qazaxstanın 3-cü ən böyük bankı ola bilib. Bu bank pərakəndə depozitlərin payı üzrə (bazarın 25 faizi) və filial şəbəkəsinin həcminə görə ən böyük bankdır. Benefesiar mülkiyyətçiləri Qazaxıstan prezidenti Nursultan Nazrbayevin qızı və kürəkəni olan "Almex Group" bankın 68,7 faiz səhm paketinə nəzarət edir, səhmlərin 31,3 faizi isə, 2006-cı ilin dekabrında IPO keçirildikdən sonra institusional və özəl investorlara aid olub.
Azərbaycan banklarına maraq digər Qazaxıstan banklarında da müşahidə olunur. Mangistau vilayətinin qubernatoru Krımbek Kuşerbayevin əvəllər Bakıya səfəri çərçivəsində dediyi kimi, Qazaxıstanın ikinci səviyyə banklar da Azərbaycanın bank sektoruna daxil olmağa maraq göstərirlər.
"Bu, öz fəaliyyətini yaxşı şəkildə təşkil etmiş banklardır və ikinci səviyyə bankların təqdim etdiyi sistem artıq öz məhsulu ilə fərqlənir. Mən, Azərbaycanda öz filiallarını açmaq istəyən ikinci səviyyə bankların istəyini və marağını başa düşürəm, belə ki, ölkə rəhbərliyi tərəfindən bank sahəsinin inkişafı üçün hər cür şərait yaradılır" - deyə o bildirmişdi.
