Azərbaycan, Bakı, 15 may / Trend , müxbir S.Babayeva/ Azərbaycan regionlarında "Agrolizing" ASC-nin xətti ilə kənd təsərrüfatı texnikasının verilməsində heç bir problem yoxdur. Bu barədə cümə axşamı təşkilatın rəhbəri Əli Bayramov texika çatışmazlığı və onun ölkə regionlarına çatdırılmasında gecikmələrlə bağlı şaiyələri şərh edərkən bilridib.
"Biz texnikanı vaxtında alırıq və onun fermerlərə çatdırırıq", -deyə o bildirib.
Bayramovun sözlərinə görə, ötən il onun təşkilatı Gəncə avtomobil zavodu ilə 530 ədəd traktorun alınması üzrə müqavilə bağlayıb.
Cari ildə ASC zavoddan 352 ədəd traktor alacaq və bu traktorlar tədricən fermerlərə veriləcək.
"Agrolizing" ASC Azərbaycan prezidenti İlham Əliyevin sərəncamı ilə 2004-cü il oktyabrın 23-də yaradılıb. Müəssisənin fəaliyyəti aqrar sahənin yaxşılaşdırılması və müxtəlif kənd təsərrüfatı texnikasının əldə olunması və yerli torpaq sahiblərinə lizinqə verilməsi yolu ilə ölkədə sahibkarlığa dəstəyə yönəldilib. Bu gün ASC, işğal olunmuş torpaqlar istisna olmaqla, bütün Azərbaycan rayonlarında doqquz regional aqroservis təchizat bazası və 57 aqroservis filialına malikdir.
2005-ci ildə fəaliyyətə başlayandan "Agrolizing" fermerlərə 5 mindən çox müxtəlif kənd təsərrüfatı texnikası, 110 min ton azot gübrəsi, 26 min ton superfosfat gübrəsi verib.
Müəlliflə əlaqə saxlamaq üçün elektron ünvan : [email protected]
