Azərbaycan, Bakı, 31 may /" müxbir E.İsmayılov/ "Azərbaycan avia xətləri" ("AZAL") Qapalı Səhmdar Cəmiyyəti iyunun əvvəlində Fransa istehsalı olan "ATR" markalı dördüncü təyyarəni əldə edəcək. Bu haqda "AZAL"-dan şənbə günü bildirilib. "ATR" markalı üçüncü təyyarəni şirkət bir həftə əvvəl gətirib və hazırda Bakı-Mineralnıye Vodı-Bakı marşrutu üzrə avia reyslər həyata keçirir.
"ATR" markalı beşinci təyyarənin iyulun əvvəlində, altıncının - sentyabrda əldə olunması planlaşdırılır.
Ötən il konsern sözügedən istehsalçının iki hava gəmisini əldə edib. Bu təyyarələr, əsasən, daxili və regional marşrutlarda istifadə olunacaq.
"AZAL" Fransanın "ATR" şirkətinin yeni təyyarələrini, ilk növbədə, sərnişinlərin Naxçıvan, Gəncə, Lənkəran, və Zaqatala hava limanlarına daşınmasü üçün istifadə edəcək.
Dövlət konserni "ATR" markalı təyyarələri istehsal edən Fransız avia tikinti müəssisəsində iki "ATR - 42-500S" və dörd "ATR - 72-500S" alınması haqqında sifarişini yerləşdirib. Müqavilənin ümumi məbləği təxminən $97,2 mln.-dır. Bunlar 50-70 sərnişin tutan kiçik təyyarələrdir.
Fransa şirkətin nümayəndələrinin əvvəllər qeyd etdiyi kimi, Azərbaycan altı yeni təyyarəni əldə etdikdən sonra "Antonov" və "Tupolev" təyyarələrini dəyişərək, təyyarə parkını yeniləməyə və yeni regional marşrutlar yaratmağa imkan qazanacaq.
Müəlliflə əlaqə saxlamaq üçün elektron ünvan: [email protected]