Azərbaycan, Bakı, 17 iyun / Trend , müxbir İ.Xəlilova/ Dünya Bankı (DB) Azərbaycana yardım strategiyasının (2007-2010 - cu illəri əhatə edir) ikiqat artırılması məsələsinin nəzərdən keçirilməsini yenidən təxirə salıb. Məsələyə iyunun 17-də Direktorlar Şurasında baxılması gözlənilirdi. Bu barədə çərşənbə axşamı bankın Bakıdakı nümayəndəliyindən bildiriblər. Bank 2009 və 2010-cu illər ərzində strategiyanın reallaşdırılması dövründə əlavə maliyyələşdirmə qismində 1,2 mlrd. dollar verməyə hazırdır.
Əvvəllər Bankın Direktorlar Şurası mayın 27-də bu məsələyə baxmağa hazırlaşırdı. Nümayəndəlikdə hesab edirlər ki, bu, iyunun 30-da başa çatacaq 2008-ci il maliyyə ilinin sonuna qədər baş tutacaq.
DB-nın bu vəsaitləri əvvvəlki iki ildə olduğundan daha çox layihəni əhatə edəcək. Əlavə vəsaitlərin ayrılmasına zərurət, əvvəlki yardım strategiyasının vaxtından tez istifadə olunması ilə əlaqədardır. Bank 13 layihənin maliyyələşdirilməsinə artıq 1,25 mlrd. dollar ayırıb ki, bu da dörd il üçün nəzərdə tutulmuşdu.
Hazırda yeni layihələrin hazırlanması prosesi gedir və onların maliyyələşdirilməsi yalnız Beynəlxalq Yenidənqurma və İnkişaf Bankının xətti ilə həyata keçiriləcək. DB-nın kredit resursları nəqliyyat infrastrukturunun, su təchizatı və kanalizasiya sistemlərinin bərpası, ekoloji proqramın ikinci fazası, ali təhsil və dövlət idarəçiliyinin təkmilləşdirilməsi üzrə maliyyələşdirilməyə cəlb olunacaq.
Azərbaycan 121 mln. dollar həcmində maliyyə imtiyazlarının son normasını 2008-ci il maliyyə ilində istifadə edib. Bank maliyyə sektorunun müasirləşdirilməsinə daha 10 mln. dollar ayırmağa hazır olsa da, Maliyyə Nazirliyinin layihə komponentlərini dəyişdirməsi layihə üzrə danşıqların nəzərdə tutulan vaxtda başa çatmasına mane olub.
Məcburi köçkünlərin sosial şəraitinin yaxşılaşdırılması, kənd təsərrüfatı investisiyaları, korporativ və dövlət sektorlarında (XDG) hesabat, təhsil və sosial təminata yardım sistemlərinin islah edilməsi üzrə layihələr güzəştili maliyyələşməyə daxil edilib.
Yerdə qalan altı layihə (Dəmir yolu üzrə nəqliyyat və ticarətin inkişafı, avtomagistral və ətraf yolların yenidən qurulması, su təchizatı sisteminin yaxşılaşdırılması, əhtaf mühitin təmizlənməsi) BYİB xətti üzrə maliyyələşəcək. Lakin su layihəsinə vəsait qismən BİA xətti ilə ayrılıb.
İyunun 17-nə olan məzənnə 0,8176 AZN/USD.
Məqalə müəllifi ilə əlaqə ünvanı: capital
