...

"Azersu" Hövsan layihəsi çərçivəsində ƏMTQ üzrə məsləhətləşmələr aparacaq

Biznes və iqtisadiyyat xəbərləri Materials 17 Sentyabr 2008 18:11

Trend-i buradan izləyin

Azərbaycan, Bakı, 17 sentyabr / Trend , müxbir S.Babayeva/ "Azersu" SC Hövsan qəsəbəsində çirkab suların sutəmizləyici qurğulardan Xəzər dənizinə axıdılması üçün çəkilən boru kəmərlərinin əhtaf mühitə təsirinin qiymətləndirilməsini (ƏMTQ) aparmaq niyyətindədir. ƏMTQ üzrə texniki tapşırıqlar "Azersu" SC - nin rəsmi saytında yerləşdirib.

Maraqlı şəxslər öz təkliflərini sentyabrın 23 - dək "Azersu" ya təqdim edə bilərlər.

"Azersu" -nun məlumatına görə, ƏMTQ üzrə texniki tapşırıqların hazırlanması prosesinin başa çatdırılması məqsədilə sentyabrın 24 - də SC - nin binasında ictimai məsləhətləşmələr aparılacaq.

2005 - ci ilin iyulunda əsas ötürücü kanalizasiya xətləri və kanalizasiya sularının təmizlənməsi üzrə 2 saylı Zığ nasos stansiyasının, Hövsan qurğusunun genişləndiriliməsi və yenidən qurulması layihəsi (Hövsan layihəsi) üzrə Fransanın OTV SA şirkəti ilə "Azersu" SC arasında müqavilə imzalanıb.

OTV SA Fransa hökuməti tərəfindən sərmayə baxımından sərfəli şərtlər təklif edən şirkət kimi seçilib.

Bakı şəhərinin kanalizasiya sistemi və ekologiyasının yaxşılaşdırılması üçün Fransa hökuməti Azərbaycana beş il reallaşdırılma müddəti ilə 35 mln. avro həcmində kredit ayırıb.

Hövsan layihəsi Azərbaycanın kanalizasiya sisteminin yenidən qurulmasına yönəldilən ilk beynəlxalq investisiya layihəsidir.

Dünya Bankının Bakı nümayəndəliyindən əvvəllər verilən məlumata görə, bank Fransa hökumətinin vəsaitləri hesabına Hövsanda çirkab suların təmizlənməsi üzrə işlərin davamını maliyyələşdirməyə hazırdır.

Hazırda aerasiya stansiyasında Fransa texnologiyaları ilə yenidən təchiz edilmə prosesi gedir. Bu texnologiyalar vasitəsilə çirkab sular dənizə axıdılmazdan əvvəl təmizlənəcək.

Beynəlxalq ekologiya normalarına əsasən, su dənizin dibində daha yaxşı təmizlənir, hazırda bu proses sahildə aparılır.

Məqalə müəllifi ilə əlaqə ünvanı - [email protected]

Xəbər lenti

Xəbər lenti