Azərbaycan, Bakı, 22 sentyabr/ Trend , müxbir E.İsmayılov/їAzərbaycan Hava YollarıїQapalı Səhmdar Cəmiyyəti (AZAL) sentyabrın 26-dan yeni Bakı - Zaqatala (Şimal istiqamət) reysini açır, - bazar ertəsi QSC-dən bildiriblər.
Reyslər bazar ertəsi və cümə günləri Fransa istehsalı olan ATR markalı təyyarələrdə həyata keçiriləcək. Biletin bir istiqamətə qiyməti 52 manat, hər iki istiqamət üçün 104 manat olacaq.
Sentyabrın 27-dən daha bir reys, Bakı - Lənkəran reysi (Cənub istiqməti) fəaliyyətə başlayacaq. Reys çərşənbə axşamı və şənbə günlərində və Fransa istehsalı olan ATR markalı təyyarələrdə həyata keçiriləcək. Biletin bir istiqamətə qiyməti 41 manat, hər iki istiqamət üzrə 82 manat olacaq.
QSC Lənkəran və Zaqatala aeroportlarının təmirini və modernləşdirilməsini başa çatdırıb.
