Azərbaycan, Bakı, 23 dekabr/ Trend , müxbir Ü.İsmayılova/ Bu gün Tehranda (İran), İqtisadi Əməkdaşlıq Təşkilatı (ECO) maliyyə və iqtisadiyyat nazirlərinin üçüncü iclasında birgə ticarət və inkişaf bankı və təkrarsığorta şirkətinin yaradılması imkanları müzakirə edilir, - Azərbaycanın Maliyyə Nazirliyindən çərşənbə axşamı bildiriblər.
Azərbaycanı maliyyə naziri Samir Şərifovun başçılıq etdiyi nümayəndə heyəti təmsil edir. Iclasda korrupsiya və çirkli pulların yuyulmasına qarşı mübarizə, səmərəli investisiya mühiti və kapitalın azad hərəkəti sahələrində əməkdaşlıq perspektivləri müzakirə olunub.
İştirakçı ölkələr habelə, dünya maliyyə böhranının ECO - ya üzv dövlətlərin iqtisadiyyatına təsiri və yaranmış vəziyyətlə bağlı ümumi strategiyanın işlənilməsini müzakirə edəcəklər.
1985 - ci ildə yaradılmış və 10 ölkəni - İran, Pakistan, Türkiyə, Əfqanistan, Azərbaycan, Qazaxıstan, Qırğızıstan, Tacikistan, Türkmənistan və Özbəkistanı birləşdirən İqtisadi Əməkdaşlıq Təşkilatının əsas məqsədi üzv-dövlətlərin birgə əməkdaşlığı ilə regionun iqtisadi, sosial, mədəni və digər sahələrində inkişafa nail olmaqdır.
Müəlliflə əlaqə saxlamaq üçün elektron ünvan: [email protected]