Azərbaycan,Bakı, 23 yanvar / Trend , müxbir U.İsmaylova/ "Azərbaycan iqtisadiyyatı dünya iqtisadiyyatına fəal şəkildə inteqrasiya olunur. Bu səbəbdən də qlobal maliyyə böhranının təsirindən yayınmaq mümkün deyil", - cümə günü Azərbaycanın əmək və əhalinin sosial müdafiə naziri Fizuli Ələkbərov 2008-ci ilin yekunlarına həsr olunmuş kollegiya iclasında deyib.
"Nazirlik prioritetləri müəyyən edib və yeni siyasət daxilində böhranın nəticələrinin minimuma endirilməsi üzrə xəbərdaredici tədbirlər həyata keçiriləcək. Böhranın nəticələrinin aradan qaldırılması üzrə tədbirlərdən ən əsası kimi regionlarda məşğulluğun artırılmasıdır", - qurumun rəhbəri deyib.
Ötən il BMT İnkişaf Proqramı (UNDP) ilə birlikdə özəl sektorda fəaliyyət göstərən müəssisələrin də cəlb olunması ilə analoji regional layihə həyata keçirilib. Layihənin ümumi həcmi 175 min dollar təşkil edib. Bundan 75 min dollar UNDP-yə çatıb. Layihə İsmayıllı rayonu Lahıc kəndində həyata keçirilib.
Layihənin həyata keçirildiyi 1,5 il ərzində kənddə 65 nəfər işlə təmin olunub, səkkiz kilometr uzunluğunda su xəttinin, min metr uzunluğunda mərkəzi yol xəttinin tikintisi ilə bağlı işlər həyata keçirilib, eləcə də 551 metr kanalizasiya xətti sisteminin təmiri və başqa işlər görülüb.
Görülən işlərin nəticəsində Lahıc kəndinə 17 ailə, yaxud 75 nəfər qayıdıb.
"Buna qədər bu kəndə gələn turist sayı beş min nəfərə yaxın idisə, indi bu rəqəm 9,1 min nəfər təşkil edir", - Ələkbərov qeyd edib.
Onun sözlərinə görə, hazırda nazirlik bütün "geridə qalmış" kəndlərdə onların vəziyyətinin yaxşılaşdırılması üçün belə layihələrin həyata keçirilməsi üzrə təkliflər hazırlayır.
Əmək nazirliyi artıq BMT və Beynəlxalq Əmək Təşkilatının (BƏT) regional nümayəndəlikləri ilə Azərbaycanda layihələrin maliyyələşdirilməsi üçün danışıqlara girib. Fevralda Lissabonda bu məsələnin müzakirə olunacağı tədbir baş tutacaq.
Nazirliyin ölkədəki kənd yerlərinin inkişafı məqsədilə tədbirləri həyata keçirməsində əsas məqsədi, əhalinin regionları tərk etməməsi üçün az da olsa, şəhərlə kənd arasındakı fərqin aradan qaldırılmasıdır.
"Kənd yerində əhalinmi iş və iş üçün lazımi materiallarla təmin etmək üçün hər nəfərə cəmi 150 manat tələb olunur", - nazir əlavə edib.
Yanvarın 23-nə rəsmi məzənnə 0,8054 AZN/USD təşkil edir.
Məqalə müəllifi ilə əlaqə ünvanı: [email protected]