Azərbaycan, Bakı, 13 may / Trend , müxbir N.İsmayılova /
"Beynəlxalq Valyuta Fondu (BVF) 2009-cu ildə Qafqaz və Mərkəzi Asiya regionunda məcmu gəlirlər üzrə ən yüksək artımı Azərbaycan hökuməti üçün proqnozlaşdırıb - ÜDM-in 42,9 faizi", - BVF-in öz rəsmi saytında yerləşdirdiyi may ayı üçün regional iqtisadi icmalda deyilir.
2009-cu ildə region ölkələrində hökumət gəlirlərinin orta artımı, BVF-in proqnozlarına əsasən, 30,6 faiz təşkil edəcək.
Fondun proqnozlarına əsasən, Gürcüstan hökumətinin gəlirləri 26 faiz, Qazaxıstan - 25,1 faiz, Qırğızıstan - 23,5 faiz, Tacikistan - 19,1 faiz, Türkmənistan - 21,3 faiz, Özbəkistan - 37,7 faiz, Ermənistan - 19,1 faizdir.
BVF-in proqnozlarına görə, Orta Şərq və Mərkəzi Asiya ölkələri arasında hökumət, gəlirləri üzrə dördüncü pillədədir. Birinci yerdə İraq - 64,5 faizlə, ikinci Küveyt - 62,9 faiz və üçüncü pillədə Liviya 59,1 faizlə qərarlaşıb.
2009-cu ildə Orta Şərq və Mərkəzi Asiya ölkələrinin hökumət gəlirlərinin orta artımı, BVF-in proqnozlarına əsasən, 27,9 faiz təşkil edəcək.
Məqalə müəllifi ilə əlaqə ünvanı: [email protected]
