Azərbaycan, Bakı, 13 iyun / Trend müx U.İsmayılova /
Azərbaycanda bir çox Avropa ölkələrində olduğu kimi, hazır kənd təsərrüfatı məhsullarının istehsalı üçün subsidiyalar veriləcək, şənbə günü kənd təsərrüfatı naziri İsmət Abbasov bildirib.
"Hazır kənd təsərrüfatı məhsullarının istehsalı üçün subsidiyaların verilməsi məqsədə uyğundur",- Abbasov deyib.
Onun sözlərinə görə, hazırda Kənd Təsərrüfatı, Maliyyə, İqtisadi İnkişaf Nazirlikləri və digər müvafiq dövlət strukturları bu subsidiyaların verilmə qaydalarını hazırlayırlar.
"Hesab edirik ki, bu iqtisadi nöqteyi nəzərdən effektiv ola bilər",- Abbasov deyib.
Hazırda Azərbaycanın Kənd Təsərrüfatı Nazirliyi fermerlərə taxıl istehsalı, gübrələrin və yanacaq-sürtkü materiallarının alınması üçün subsidiyalar ayırır.
Məqalə müəllifi ilə əlaqə ünvanı:[email protected]
