Bakı, 28 avqust / Trend , müxbir V.Javoronkova /
Qlobal maliyyə böhranı Bakı və Astana arasında 2009-cu ilin birinci yarısında nəzərəçarpacaq dərəcədə azalan xarici ticarət əməliyyatlarına təsir göstərib. Bu barədə cümə günü mətbuat konfransında Qazaxıstanın Azərbaycandakı fövqəladə və səlahiyyətli səfiri Serik Primbetov bildirib.
"Ötən il Qazaxıstan və Azərbaycan arasında əmtəə dövriyyəsi 490,3 milyon dollar təşkil edirdisə, cari ilin birinci yarımilindəki rəqəmlər bizi sevindirmir", - səfir bildirib.
2008-ci ilin yanvar-iyun ayları ərzində ixrac-idxal əməliyyatları 257,079 milyon dollar həcmində həyata keçirilib, 2009-cu ilin analoji dövründə bu göstərici 63,338 milyon dollar təşkil edir.
Səfirin sözlərinə əsasən, Qazaxıstandan taxıl tədarükü də Azərbaycanda bu kənd təsərrüfatı məhsulunun istehsal həcminin artması ilə əlaqədar əhəmiyyətli dərəcədə azalıb.
"Ümid edirəm ki, ikinci yarımilin sonuna kimi uğurlarımız haqqında məlumat verəcəyik, bu, iqtisadi əməkdaşlıq üzrə hökumətlərarası komissiyanın iclasında nəzərdən keçiriləcək", - Primbetov bildirib.
May-iyun aylarında Qazaxıstan taxılının Azərbaycana dəmir yolu ilə ixracı 27 min ton, Gürcüstana isə üç min ton təşkil edib.
"Ərzaq Müqavilə Korporasiyası" MŞ SC-nin kommersiya məsələləri üzrə direktoru Daulet Uvaşevin əvvəlcədən bildirdiyi kimi, Qazaxıstan bu gün Şimali Qazaxıstan, Akmolinsk və Kostanansk vilayətlərindən 10 min yüksək keyfiyyətli taxılın göndərtilməsinə hazırdır, lakin "hələ bunu edə bilmirik, belə ki, Azərbaycan tərəfinin Qazaxıstan taxılının qiyməti ilə bağlı qərarını gözləyirik".
Onun sözlərinə əsasən, taxılın ixarcı zamanı iki marşrutdan istifadə edilə bilər: Qazaxıstan-Rusiyanın "Samur" sərhədi üzərindən dəmir yolu ilə və ya Aktau limanı üzərindən dəniz vasitəsilə. Onun məlumatına əsasən, Qazaxıstan hər il Azərbaycana 600 mindən 700 min tona kimi taxıl ixrac edir.
Bundan başqa, Bakı Taxıl Terminalı yanında dəyirman kompleksinin inşası da başa çatır. Səfirin fikrincə, terminal bu il istisamara veriləcək. Bu kompleksdə ildə 15 min ton Qazaxıstan taxılının emal edilməsi və yüksək bir və ikinci növ un istehsal olunacağı ehtimal edilir.
Dəyirman kopleksi ildə 300 min ton taxıl emal edəcək.
Məqalə müəllifi ilə əlaqə ünvanı: [email protected]
