Azərbaycan, Bakı, 09 sentyabr / Trend , müxbir Ü.İsmayılova /
Az Sığorta Azərbaycan sığorta şirkəti yanğından sığorta üzrə son iki ay ərzində ziyanın qarşılanması ilə əlaqədar olaraq sığorta məbləgi 66,66 min manat təşkil etdiyi halda, 48,83 min manat ödəyib, çərşənbə axşamı şirkətdən deyilib.
Sığorta hadisəsi Bakının Nərimanov rayonundakı ağac emalı sexində baş verib.
İkinci ən iri ödəmə Zaqatala rayonunda avtotəmir sexində baş verən yanğınla əlaqədar olub. Sığorta məbləği 16,5 min manat təşkil etdiyi halda 8,64 min manat ödənilib.
İyul-avqust aylarında şirkət yol-nəqliyyat hadisələrinə görə sığorta məbləği 11 min manat təşkil etdiyi halda 8,35 min manat ödəyib.
Səkkiz ən iri sığorta ödəmələrinin ümümi həcmi 85,8 min manat təşkil edib. Bu hadisələrdə ümumi sığorta məbləği 194,7 min manat təşkil edib.
Az Sığorta 2006-cı ilin noyabr ayından sığorta bazarında fəaliyyət göstərir. Hazırda ölkənin müxtəlif regionlarında şirkətin səkkiz filialı, 40 regional nümayəndəliyi fəaliyyət göstərir. Az Sığorta üçü icbari olmaqla 28 növ üzrə sığorta fəaliyyəti göstərir. Yeddi ayın yekunlarına görə, şirkət 2,41 milyon manat həcmində ödəmələrlə 6,25 milyon manat sığorta pulu toplayıb.
Sentyabrın 9-na olan rəsmi məzənnə 0,8035 AZN/USD təşkil edir.
Məqalə müəllifi ilə əlaqə ünvanı: [email protected]