Azərbaycan, Bakı, 23 sentyabr / Trend , müxbir İ.Xəlilova /
Çexiya Senatının sədri Pşemışl Sobotkanın (Přemysl Sobotka) səfəri çərçivəsində Bakıda sentyabrın 23-də ikinci Azərbaycan-Çexiya biznes forumu keçirilib. Bu barədə çərşənbə günü Azərbaycanın İqtisadi İnkişaf Nazirliyindən bildirilib.
Birinci Azərbaycan-Çexiya biznes forumu ötən il iyul ayında Çexiyanın xarici işlər naziri Karl Şvartsenberqin Azərbaycana səfəri zamanı keçirilib.
"Biznes forumda 150 Azərbaycan və çex maliyyə, kimya, tikinti sahəsi, maşınqayırma, yüngül sənaye, metal konstruksiya sahəsində çalışan iş adamları iştirak edib" - Nazirlikdən bildirilib.
Senatın sədrinin səfəri Azərbaycanda Çexiya səfirliyinin açılışı ərəfəsində keçirilib. Səfirliyin açılması oktyabrın ayında gözlənilir.
Azərbaycanın statistikasına əsasən, 2009-cu ilin yanvar-iyul ayları ərzində ölkələr arasında əmtəə dövriyyəsi 11,59 milyon dollar təşkil edib. Çexiyada əsasən yol tikintisi, metalkonstruksiya, kimyəvi məhsullar ilə əlaqəli avadanlıqlar alınır. Azərbaycanın qeyri-neft sektorunun strukturunu əsasən kənd təsərrüfatı məhsulları, əsasən də meşə fındığı təşkil edir.
Çexiya statistikasına əsasən, Azərbaycanın ixracının böyük hissəsini Çexiyaya neft treyderləri ilə Çexiyaya satılan neft məhsullarının payı təşkil edir.
Ötən il çex biznes nümayəndə heyətinə başçılıq edən Çexiyanın xarici işlər naziri Karl Şvartsenberqin fikrincə, Azərbaycanın enerji ehtiyatları Çexiyanın tələbatının 1/10 hissəsini ödəyir. Onun fikrincə, forum biznes əlaqələr ilə yanaşı, əməkdaşlığını ən yüksək formalarını - investisiya layihələrinin həyata keçirilməsini, birgə müəssisələrin yaradılmasını və elmi-təqdiqat komandalarının əməkdaşlığını qurmağa imkan verəcək.
"Ticari-iqtisadi əlaqələrin inkişafı Çexiya diplomatiyasının əsasıdır, Azərbaycana səfərin məqsədi də mövcud əlaqələrin möhkəmləndirilməsi və çex biznesi üçün imkanların axtarılmasıdır", - Şvartsenberq qeyd edib.
O hesab edir ki, Çexiyanın 2004-cü ildə Aİ-yə daxil olması ilə onun tikinti materialları, dəmiryolu və şəhər nəqliyyatı, maşınqayırma və emal sənayesi avadanlıqlarının ixracı imkanları artıb.
"Çexiya bütün Cənubi Qafqazda təkcə siyasi münasibətlərin deyil, həmçinin ticar-iqtisadi münasibətlərin nizama salınmasında maraqlıdır. Qeyri-stabil siyasi vəziyyət Avropaya mənfi təsir edir, lakin bizim üçün regionda stabillik mühümdür ki, bu da iqtisadiyyatın Aİ ölkələri ilə, xüsusən də Çexiya ilə qarşılıqlı səmərəli əməkdaşlığa cəlb edilməsi vasitəsilə mümkündür", - çex nazir bildirib.
Məqalə müəllifi ilə əlaqə ünvanı: [email protected]
