Azərbaycan, Bakı, 02 oktyabr / Trend , müxbir Ü.İsmayılova/
Azərbaycanın Kənd Təsərrüfatı Nazirliyi 2009-cu ilin dövlət büdcəsindən ayrılan maddi yardımı fermerlərə paylamaqda davam edir. Bu barədə kənd təsərrüfatı nazirinin müavini İlham Quliyev cümə günü bildirib.
"Maddi yardımın böyük hissəsi artıq paylanıb. Lakin bir neçə regiona hələ yardım göstərilməyib", - Quliyev deyib.
2009-cu ildə Azərbaycanda fermerlərə 1493 hektar sahə üzrə 59 rayonda ümumi dəyəri 59 milyon manat dəyərində maddi yardımın göstərilməsi planlaşdırılır (bir hektar səpilən əraziyə görə orta hesabla 40 manat).
Maddi yardım plastik kartlar vasitəsilə verilir. Maddi yardımın göstərilməsi yanacaq-sürtkü materiallarında həyata keçirilir. Avqustun ortalarına 28 rayonda 166 min fermerə ümumilikdə 25 milyon manat verilib.
2007-ci ildə fermerlərə 1054 min hektar sahəyə görə, 2008-ci ildə isə 1344 min hektar sahəyə görə maddi yardım ödənilib.
Məqalə müəllifi ilə əlaqə ünvanı: [email protected]
