Azərbaycan, Bakı, 17 oktyabr / Trend /
Azərbaycan bankı Muğan Bank iyun ayının 1-dən Mərkəzi Bank yanında İpoteka Fondunun (AİF) xəttilə 197 ipoteka krediti verib, bankdan alınan məlumatda deyilir.
Sentyabrda bank tərəfindən İpoteka Fondunun vəsaiti hesabına beş milyon manat məbləğində ipoteka krediti verilib. Muğan Bank-a ipoteka krediti almaq üçün müraciət edənlərin demək olar ki, hamısı bank tərəfindən razılıq alıb.
Bank tərəfindən ilk kredit 13 100 manat məbləğində olub və 29 iyunda verilib.
Fonddan deyilib ki, adi ipotekanın qiyməti əvvəllər olduğu kimi 50 min manat, güzəştli ipotekanın qiyməti 35 min manat təşkil edir. Adi kredit üçün maksimal faiz dərəcəsi səkkiz, güzəştli üçün dörd faiz təşkil edir. Adi kreditin maksimum verilmə müddəti 25, güzəştli - 30 ildir. İlkin ödəmənin həcmi isə bütün kateqoriyalar üçün 15 faiz təşkil edir.
Fondun xətti ilə kreditin verilmə şərtləri aşağıdakılardır: kreditlərin milli valyutada - manatla və yalnız Azərbaycan vətəndaşlarına verilə bilər; ipotekanın predmeti yalnız mənzil və özəl evlər, kreditin məbləği ipoteka üçün girov verilən daşınmaz əmlakın bazar qiymətinin 85 faizini ötməməlidir; kredit üçün aylıq ödəmə borc götürən şəxsin maaşının 70 faizini ötməməlidir; həyatın sığorta məbləği ipoteka kreditindən çox olmalıdır və s.
Güzəştli kreditlərə çıxış imkanına şəhid, milli qəhrəmanların, məcburi köçkünlərin ailələrinin üzvləri, üç ildən çox stajı olan dövlət qulluqçuları, elmlər namizədi və doktorları, idmanda xidmətləri olan şəxslər, həmçinin minimum üç ay hərbi xidmət stajı olan şəxslər malik olacaq.
Güzəştli ipoteka krediti almaq hüququ olan hər bir ailə bu imkandan yalnız bir dəfə yararlana bilər.
2009-cu ildə sosial ipotekanın maliyyələşdirilməsi üçün dövlət büdcəsində 14,5 mln. manat nəzərdə tutulub.
Azərbaycanın 2005-2009-ci illərin Dövlət büdcəsində AİF vasitəsilə ipotekanın maliyyələşdirilməsi üçün 94 milyon manat nəzərdə tutulub. Bu məbləğin 73 mln. manatı banklar vasitəsilə artıq verilib. Bundan əlavə fond hər birinin dəyəri 1000 manat olan 55 min istiqraz buraxıb. Emissiyanın ümumi məbləği 55 milyon manat təşkil edir. Bu emissiya 1100 ipoteka kreditininn verilməsinə imkan yaradacaq.
Oktyabrın 17-nə rəsmi məzənnə 0,803 AZN/USD təşkil edir.