Azərbaycan, Bakı, 16 noyabr / Trend /
Azərbaycan Beynəlxalq Bankının törəmə müəsisəsi - ABB-MOSKVA "Rosselxozbank" ASC ilə 50 milyon dollar kredit ayrılması barədə müqavilə imzalayıb. Bu barədə bankın məlumatında deyilib.
Kredit 365 gün müddətinə verilib. Alınmış vəsait bankın əsas fəaliyyətinin maliyyələşdirilməsinə yönəldiləcək, məlumatda deyilir.
ABB-MOSKVA yeddi illik fəaliyyəti dövründə xarici və Rusiya banklarından dəfələrlə iri sindikatlaşdırılmış və klub kreditləri götürüb. 55 milyon dollar həcmində axırıncı kredit 2009-cu ilin avqust ayında uğurla ödənilib.
ABB-MOSKVA Azərbaycan Beynəlxalq Bankının törəmə strukturudur, Rusiya ərazisində öz fəaliyətini yüz faiz Azərbaycan kapitalı ilə həyata keçirən ilk və yeganə bankdır.