Аzərbaycan, Bakı, 8 iyul /Trend, müxbir N.İsmayılova/
İqtisadi İnkişaf Nazirliyi yanında Antiinhisar Siyasəti və İstehlakçıların Hüquqlarının Müdafiəsi Dövlət Xidməti tərəfindən istehlak bazarında keçirilən növbəti monitorinqlər zamanı ümumi çəkisi 546 kq-dan çox olan, istifadə müddəti ötmüş məhsullar satışdan çıxarılaraq məhv edilib. Bu barədə nazirlikdən verilən məlumatda deyilir.
Monitorinqlər Bakının Yasamal, Səbail, Binəqədi, Sabunçu, Nəsimi, Nizami rayonlarında, həmçinin Gəncə, Xaçmaz, Zərdab, Şəmkir, Göygöl və Ağdaş şəhərlərində, Tərtər və Ucar rayonlarında, eləcə də Abşeron rayonunun Mehdiabad qəsəbəsində aparılıb.
Mağazalarda qənnadı məhsulları, süd və süd məhsulları, kolbasa, yağlar, balıq və digər dəniz məhsulları, konservləşdirilmiş məhsullar, sərinləşdirici içkilər, pivə, uşaq yeməkləri və s. aşkar olunub, satışdan çıxarılaraq məhv edilib.
Qanun pozuntusuna yol vermiş şəxslər barəsində Azərbaycan Respublikasının İnzibati Xətalar Məcəlləsinə uyğun olaraq inzibati tədbirlər görüləcək.
Məqalə müəllifi ilə əlaqə ünvanı news@trend.az
Bizi Twitter-dən izləyin @trend_az
.jpg)
