Azərbaycan, Bakı, 20 avqust /Trend, müxbir N.İsmayılova/
Azərbaycan bankı "Əmrahbank" ilin sonunadək depozit və kreditlər üzrə indiki faiz dərəcələrini saxlamaq niyyətindədir. Bu barədə cümə günü bankın idarə heyətinin sədri, maliyyə menecmenti departamentinin direktoru Fazil Hüseynov deyib.
"Bankın indiki faiz dərəcələri bazarın tələblərinə tam cavab verir; odur ki onlar ilin sonunadək dəyişməz qalacaq", - Hüseynov qeyd edib.
Onun sölərinə görə, hazırda bankın kreditlər üzrə orta dərəcəsi 24-26 faiz, depozitlər üzrə 12-13 faiz təşkil edir.
"Avqustun əvvəlinə olan məlumata görə, bankın kredit portfeli 47,4 milyon manat, depozit portfeli isə 42,8 milyon manat olub. Onların 25,77 milyon manat əhalinin əmanət qoyuluşlarının payına düşür", - o deyib.
Bügünədək bankın aktivləri 84 milyonu ötür.
"İndi bank, əsasən, aksenti maliyyə göstəriciləri artımının saxlanılmasına edir və əlavə maliyyə resurslarının cəlb edilməsi ilə bağlı danışıqlar aparmır", - Hüseynov bildirib.
1993-cü ildə yaradılan "Əmrahbank" Əmanətlərin Sığortalanması Fondu, Sahibkarlığa Kömək Milli Fondu, Azərbaycan Banklar Assosiasiyası kimi ixtisaslaşmış təşkilatların üzvüdür.
Bəhreyndə yerləşən və bankın səhmlərinin 49%-nə sahib olan Beynəlxalq İnvestisiya Bankı ilə strateji əməkdaşlığın yaradılması "Əmrahbank"da korporativ idarəetmə, beynəlxalq əməkdaşlıq, məhsul və xidmətlərin keyfiyyəti kimi bir çox sahələrin inkişafında əsas rol oynayıb.
