Azərbaycan, Bakı, 13 noyabr /Trend, müxbir А.Axundov/
Azərbaycan Nazirlər Kabineti 2001-ci il 17 dekabr tarixli "Azərbaycan Respublikası Dövlət Torpaq və Xəritəçəkmə Komitəsinin kollegiya üzvlərinin təsdiq edilməsi haqqında" qərarına dəyişiklik və əlavələr edib. Bu barədə Kabinetin rəsmi saytında məlumat verilib.
Nazirlər Kabinetinin qərarına əsasən, Dövlət Komitəsinin təkliflərini nəzərə alaraq kollegiya üzvlərinin tərkibinə Dövlət Torpaq və Xəritəçəkmə Komitəsi Aparatının rəhbəri Rafiq Süleymanov daxil edilib. Mətbuat xidməti və analitik informasiya şöbəsinin rəisi Hikmət Məmmədov aparat rəhbərinin müavini Ağakişi Alıyevlə, Dövlət Torpaq Kadastrı, Monitorinqi və İnformasiya Mərkəzinin direktoru Amin İsmayılov Dövlət Torpaq Kadastrı və Monitorinqi Elmi-İstehsalat Mərkəzinin direktoru Nazim İsmayılovla əvəz edilib.
Bu qərar imzalandığı gündən - 11 noyabrdan qüvvəyə minir.
