Azərbaycan, Bakı, 8 dekabr /Trend, müxbir Ü.İsmayılova/
Azərbaycan Standartlaşdırma, Metrologiya və Patent üzrə Dövlət Komitəsi və Almaniya Metrologiya İnstitutu niyyət protokolu imzalayıblar. Bu barədə çərşənbə günü Dövlət Komitəsindən məlumat verilib.
"Protokolda 2011-ci ildə metrologiyanın inkişafı sahəsində layihələrin həyata keçirilməsi şərtləri əks olunub", - məlumatda bildirilir.
Layihəyə əsasən, Standartlaşdırma, Metrologiya və Patent üzrə Dövlət Komitəsində kalibrləmə laboratoriyasının mütəxəssisləri üçün kursların keçirilməsi, əsas sənədlərin hazırlanması və laboratoriyaların Avropa İttifaqı ölkələrində akkreditə olunması nəzərdə tutulur.