Azərbaycan, Bakı, 12 yanvar /Trend, müxbir E.İsmayılov/
Ələt - Xıdırlı dəmir yolunun yeddinci kilomertliyində yeni dəmir yolu keçidinin inşası çərçivəsində keçid şlaqbaumlarının quraşdırılması ilə əlaqədar olaraq, yanvarın 17-18-də vaqonların hərəkətində "texniki pəncərə" tətbiq olunub. Bu barədə çərşənbə günü "Azərbaycan Dəmir Yolları" QSC-nin mətbuat xidmətinin rəhbəri Nadir Əzməmmədov deyib.
Yol keçidi Ələt - Astara avtomobil yolunun yenidən qurulması çərçivəsində inşa olunur.
"Texniki pəncərə" 17 yanvar saat 07:00-dan 17:00-dək və 18 yanvar saat 10:00-dan 17:00-dək olacaq.
Nəticədə, yanvarın 17-18-də Keşlə - İmişli - Keşlə elektrik qatarı köhnə marşrut üzrə deyil, Keşlə - Hacıqabul - Şirvan - İmişli - Şirvan - Hacıqabul - Keşlə marşrutu üzrə hərəkət edəcək.