...

Azərbaycanın xarici ticarət dövriyyəsi il ərzində 1/3 dəfə artıb

Biznes və iqtisadiyyat xəbərləri Materials 16 İyul 2011 11:54

Trend-i buradan izləyin

Azərbaycan, Bakı, 16 iyul /Trend, müxbir A.Axundov/

Dövlət Gömrük Komitəsi (DGK) ilin birinci yarısında Azərbaycanın dünyanın 139 ölkəsi ilə apardığı xarici ticarət əməliyyatlarının yekununu açıqlayıb. Bu barədə komitənin şənbə günü yaydığı məlumatda deyilir.

Ölkənin mal dövriyyəsinin ümumi həcmi 17,463 milyard dollar təşkil edib ki, bu da ötən ilin müvafiq dövründəkindən 32,62 faiz çoxdur.

Xarici ticarət dövriyyəsində 8,747 milyard dollar həcmində müsbət saldo yaranıb.

Həmin dövr ərzində xarici ticarət əməliyyatlarında 5341 hüquqi və fiziki şəxs fəaliyyət göstərib ki, onlardan 2931-i hüquqi, 2410-u isə fiziki şəxsdir.

İlin ilk altı ayı ərzində ixrac əməliyyatları 13,092 milyard dollar təşkil edərək 2010-ci ilin analoji dövrü ilə müqayisədə 27,78 faiz artıb. İxrac əməliyyatlarında dövlət sektorunun payı 12,489 milyard dollar (95,39 faiz), özəl sektorun payı 0,525 milyard dollar (4,01 faiz), fiziki şəxslərin payı isə 77,75 milyon dollar (0,59 faiz) təşkil edib.

Yanvar-iyun ayları ərzində idxal 4,344 milyard dollar təşkil edib ki, bu da ötən ilin analoji dövrü ilə müqayisədə 49,72 faiz çoxdur. İdxal əməliyyatlarında dövlət sektorunun payı 1,585 milyard dollar (36,49 faiz), özəl sektorun payı 2,554 milyard dollar (58,79 faiz), fiziki şəxslərin payı isə 205,47 milyon dollar (4,72 faiz) təşkil edib.

İlk altı ay ərzində Azərdbaycandan 1528 növ məhsul ixrac edilib, ölkəyə isə 5313 növ məhsul idxal edilib.

Xəbər lenti

Xəbər lenti