Azərbaycan, Bakı, 14 mart /Trend, müxbir A.Axundov/
Fevralın 1-nə manatda depozitlər üzrə orta dərəcə 10,39 faiz təşkil edib. Bu göstərici 2012-cu il yanvarın 1-nə 10,26 faiz və 2011-cu il fevralın 1-nə 11,16 faiz olub. Trend-in məlumatına görə, bu barədə çərşənbə günü Azərbaycan Mərkəzi Bankının (AMB) məlumatında deyilir.
Xarici valyutada depozitlər üzrə orta dərəcə 11,15 faiz təşkil edib. Bu göstərici müvafiq olaraq, 11,11 faiz və 11,35 faiz təşkil edib.
Fevralın 1-nə fiziki şəxslərin manatda depozitlər üzrə orta dərəcəsi 10,81 faiz təşkil edib. Bu göstərici 2012-cu il yanvarın 1-nə 10,76 faiz, 2011-cu il fevralın əvvəlinə 11,83 faiz təşkil edib.
Fərdi şəxslərin xarici valyutada depozitlər üzrə orta dərəcəsi 11,28 faizə bərabər olub. Bu göstərici müvafiq olaraq, 11,27 faiz və 12,12 faiz olub.
Fevralın əvvəlinə hüquqi şəxslərin manatda depozitlər üzrə orta dərəcəsi 5,99 faiz təşkil edib. Bu göstərici 2012-cu il yanvarın 1-nə 5,6 faiz və 2011-cu il fevralın 1-nə 6,27 faiz təşkil edib.
Korporativ müştərilərin xarici valyutada depozitlər üzrə orta dərəcəsi 7,41 faizə bərabər olub. Bu göstərici müvafiq olaraq, 7,02 faiz və 5,07 faiz olub.
