Gürcüstan, Tbilisi, 13 iyun /Trend, müxbir N.Kirsxaliya/
Bu gün Tbilisidə ABŞ-ın təşəbbüsü ilə regional ticarətə yardım üzrə ikigünlük konfrans açılır.
Tədbirin təşkilatçıları Gürcüstan Gəlirlər Xidməti, ABŞ Beynəlxalq İnkişaf Agentliyi (USAİD), Regional Rəqabət Təşəbbüsü (RCI), İqtisadi Təkan Təşəbbüsü (EPI) və BMT-nin Avropa İqtisadi Komissiyasıdır (UNECE).
EPI-dən Trend-ə bildiriblər ki, tədbirin məqsədi təcrübə mübadiləsi, habelə Qafqaz və Qara dəniz regionlarında ticarətin inkişafına kömək edəcək müasir texnologiyaların müzakirəsidir.
Konfransda Gürcüstan, Ermənistan, Azərbaycan və Ukraynanın həm dövlət strukturları, həm də özəl sektorunun nümayəndələri iştirak edəcəklər.