Azərbaycan, Bakı, 2 may /Trend, müxbir E.İsmayılov/
"Azərbaycan Dəmir Yolları" QSC 2014-cü ilin mart ayında "Dəmir yolu nəqliyyatının inkişafına dair" Dövlət Proqramı çərçivəsində Bakı-Böyük Kəsik dəmiryol sahəsinin yenidən qurulması və müasirləşdirilməsini başa çatdıracaq. Trend-in məlumatına görə, bu barədə cümə axşamı jurnalistlərə QSC-nin sədri Arif Əsgərov deyib.
Onun sözlərinə görə, proqram çərçivəsində işlər davam edir və Bakı-Böyük Kəsik sahəsində yenidən qurulması nəzərdə tutulan 317 kilometr yolun artıq 200 kilometrdən çoxu təmir edilib.
"Bu işlər tamamlandıqdan sonra bu sahədə müasirləşdirmə prosesinin davam etdirilməsi məsələsi nəzərdən keçiriləcək", - Əsgərov qeyd edib.