Azərbaycan, Bakı, 13 oktyabr /Trend, müxbir Emil İsmayılov/
"Azərbaycan Dəmir Yolları" QSC bu ilin yanvar-sentyabrında 16 milyon ton yük daşıyıb. Trend-in məlumatına görə, bunu QSC-nin sədri Arif Əsgərov dəmiryolçular gününə həsr olunmuş tədbirdə deyib.
Onun sözlərinə görə, 4,8 milyon ton yük daxili yükdaşımaların, 2,9 milyon ton isə ixracat daşımalarının payına düşüb. Bu dövr ərzində 4,9 milyon ton yük idxal edilib, 3,3 milyon ton isə tranzit yüklərin payına düşüb.
A.Əsgərov vurğulayıb ki, ilk 9 ay ərzində dəmiryol stansiyalarından 9,4 milyon ton yük göndərilib, bunun 5 milyon tonu neft və neft məhsullarının (o cümlədən, 1,6 milyon ton tranzit nefti) payına düşüb.
Sərnişindaşımalara gəlincə, QSC sədri bildirib ki, 9 ay ərzində dəmiryol stansiyalarından 1,8 milyon nəfər yola salınıb.