Texniki səbəblər üzündən Azərbaycan hökuməti və ABŞ adminsitrasiyası avqusta planlaşdırılmış artıq 2 ildən bəri uzanan Beynəlxalq İnkişaf üzrə ABŞ Agentliyinin ölkəmizin 2 milyon dollarlıq büdcə ilə Ümumdünya Ticarət Təşkilatına (ÜTT) daxil olmasına yardım üzrə layihəsinin uzadılması ilə bağlı danışıqları təxirə salıb. ÜTT ilə danışıqlar üzrə katiblikdən Trend ə verilən məlumata görə, layihə üzrə yeni razılaşmanın bu ilin sentyabrında imzalanacı gözlənilir.
"İki ildən bəri layihəni icra edən Booz Allen Hamilton şirkəti yeni mərhələdə də podratçı olaraq qalır. Şirkət danışıq qrupunun Azərbaycan hökuməti və ÜTT katibliyi ilə 2006-cı ilin fevralına planlaşdırılmış üçüncü görüşə hazırlıq üçün məsləhətləşmələri davam etdirir ", - deyə katiblikdən bildiriblər.
Booz Allen Hamilton Azərbaycan ÜTT işçi qruplarının ikinci və üçüncü görüşlərinin keçirilməsinə yardım edib. 1997-ci ildən Azərbaycan ÜTT yanında müşahidəçi statusuna malikdir.