Azərbaycanın Nəqliyyat nazirliyi dəmir yolu ilə yük və sərnişin daşınmasının tariflərinin artırılmasını məqsədəuyğun hesab etmir. Bu barədə Trend ə nazirlikdən məlumat verilib.
"Bu gün ölkədə dəmir yolu ilə yük və sərnişin daşınmasının tarifləri MDB-nin bir çox ölkələri ilə müqayisədə aşağıdır. Lakin tariflər dövlətin siyasətidir, indiki vəziyyətdə isə onların artırılması qeyri-mümkündür. Dövlətin mərkəzi icra orqanı kimi biz Azərbaycan Dövlət Dəmir Yolu İdarəsinə tarifləri artırmağı məsləhət görmürük", - deyə nazirliyin nümayəndəsi qeyd edib.
Əvvəllər ADDY Nəqliyyat nazirliyinə qiymətlərin artırılmasının mümkünlüyü ilə bağlı təkliflər təqdim etmişdi. Ölkədə bəzi neft məhsullarının, o cümlədən teplovozların işlədiyi dizel yanacağının qiymətinin bahalaşması ilə əlaqədar idarədə daşıma tariflərinin artırılması zəruri, 2006-cı ilin birinci yarısında isə tariflərin artırılması məqsədəuyğun hesab edilir.