Azərbaycanın Nəqliyyat Nazirliyinin "Yolnəqliyyatservis" departamenti Bakı-Samur avtomobil magistralının yenidənqurması üzrə işçi layihənin hazırlanmasını başa çatdırıb. Sənəd razılaşdırılmaq üçün respublikanın müvafiq Nazirlik və idarələrinə göndərilib. Tender sənədləşmələrinin təsdiqlənməsindən sonra layihə üzrə podratçı şirkəti müəyyən edəcək tender keçiriləcək. Bu barədə Trend ə Nəqliyyat Nazirliyindən məlumat verilib.
Tenderin bu il martın sonlarında - aprelin əvvəllərində elan ediləcəyi ehtimal edilir. İki lot üzrə bir tenderin elan ediləcəyi ehtimal olunur. Nazirlikdən bildirilb ki, belələiklə, layihənin reallaşdırılması həm bir, həm də iki podratçı tərəfindən həyata keçirilə bilər.
Avtomobil magistralının yenidənqurulması layihəsinin reallaşdırılması üçün vəsaiti Avropa Yenidənqurma və İnkişaf Bankı və Çexiyanın "Eksimbank"ı ayıracaq. AYİB-in kreditinin məbləği $100 mln. təşkil edir. Onlar dövlət zəmanəti altında standart şərtlərlə ayrılırlar. Bu vəsait uzunluğu 28-dən 89 km-dək olan yolun rekonstruksiyasına sərf olunacaq. Ümumi uzunluğu 208 km olan yolun digər hissəsi 180 mln. dollar məbləğində kredit ayırmış Çexiyanın "Eksimbank"nın vəsaiti hesabına yenidənqurulacaq. Vəsaitin ümumi həcmindən $102 mln. "Eksimbank" və $78 mln. Fransanın BNP Paribas bankı tərəfindən təqdim olunub. Kredit 4 il güzəşt dövrü ilə Libor+0,6% faiz dərəcəsi ilə 15 illiyə ayrılıb.
