Bu ilin mayında Poti-Bakı-Aktau-Almatı marşrutu üzrə nümayiş qatarının ikinci reysi həyata keçiriləcək. Bu barədə Trend ə Azərbaycan Dövlət Dəmir Yolu İdarəsinin rəisi Arif Əsgərov məlumat verib. Hazırda Qazaxıstanda yükün toplanması aparılır. Azərbaycan, Gürcüstan və Qazaxıstan nümayiş konteyner qatarı marşrutunun Qazaxıstan və Çin sərhədindəki Drstık stansiyasına qədər uzadılması barədə danışıqlar aparırlar. Bu marşrutla hazırda Asiyada ən iri yük göndəricisi olan Çindən konteynerlərin nəqlinə imkan verər.
Konteyner qatarı dekabrın 24-də xəttə buraxılıb. Bu qatar Çindən və Avropadan yükgöndərənlərin cəlb olunmasına şərait yaratmalıdır. Yüklər Gürcüstanın Poti limanından Bakı vasitəsilə Qazaxıstanın Aktau limanına və əks istiqamətə göndərilir.
