Baku Steel Company (BSC) daxili bazarda artan tələbat üzündən məhsul ixracını dayandırıb. Bu barədə Trend ə BSC-dən xəbər veriblər.
Adətən Baku Steel Company Rusiya və Türkmənistan kimi ölkələrə məhsul ixrac edir.
"Hazırda Bakıda bir neçə iri körpünün inşası ilə əlaqədar bizim məhsula olan tələbat artıb" - deyə şirkətdən qeyd ediblər.
Onlar deyiblər ki, BSC şirkətinin kifayət qədər xam metal ehtiyatı var.
Yanvarda zavod fəaliyyətinə xammal çatışmazlığı və təmir işləri üzündən bir həftə ara verməli olub.
2006-cı ildə müəssisə istehsalın həcmini 25% artırmağı planlaşdırır. BSC şirktəinin gücü ildə 350 min ton təşkil edir, işçilərin sayı isə 2 min nəfərdən çoxdur.
