2006-cı ilin yanvar-iyun aylarında Naxçıvan MR-də 42453,9 min manat həcmində mal istehsal edilib və xidmət göstərilib ki, bu da ötən ilin müvafiq göstəricisilə müqayisədə 65,6% çoxdur. Bu barədə Trend ə Naxçıvan MR-nın Bakıdakı daimi nümayəndəliyindən bildiriblər.
82,2% və ya 34894,5 min manat - məhsul istehsalı, 17,8% və ya 7559,4 min manat xidmət sahəsinin payına düşür.
Sənayenin 0,3%-i hasilat, 30,6%-i su və elektrik enerjisinin istehsal və paylaşdırılması ilə məşğul olan müəssisələrin payına düşür.
Dövlət sektoruna - 6357,8 min manat, özəl sektora - 36096,1 min manat düşüb.