Azərbaycan Dövlət Gömrük Komitəsi (DGK) "Məlumatların ötürülməsi şəbəkəsinin yaradılması və DGK-nın institusional imkanlarının inkişafı" layihəsinin uzadılması üzrə BMT-nin İnkişaf Proqramı ilə (UN DP) saziş imzalayacaq. Trend xəbər verir ki, bu barədə bu gün Azərbaycan DGK sədri Aydın Əliyev məlumat verib.
Onun sözlərinə görə, bu məsələ üzrə BMTİP ilə danışıqlar aparılır. "Hazırda layihənin reallaşdırılmasının dördüncü mərhələsi başa çatır və yeni sazişin imzalanması yolu ilə onun uzadılması ilə bağlı fikirlər var", - deyə A.Əliyev vurğulayıb.
"Məlumatların ötürülməsi şəbəkəsinin yaradılması və DGK-nın institusional imkanlarının inkişafı" layihəsinin birinci mərhələsi üzrə saziş 26 yanvar 1999-cu ildə BMTİP daimi nümayəndəsi Ercan Murat və DGK sədri Kəmaləddin Heydərov tərəfindən imzalanıb.
Layihənin ümumi məqsədi texniki potensialın və tədris, lazımi şəraitlərin yaradılması və müvafiq avadanlıqla təmin olunma vasitəsilə DGK fəaliyyətinin səmərəliliyinin artırılmasından ibarətdir.
