İstehlak mallarının qiymətinin və xidmət tariflərinin artım tempi 2006-cı ilin oktyabrı üzrə 2006-cı ilin sentyabrı ilə müqayisədə 1,3% təşkil edir. Dövlət Statistika Komitəsindən Trend -ə verilən məlumata görə, ərzaq məhsullarının qiymətləri bu dövr ərzində 1,6%, qeyri-ərzaq məhsullarının qiymətləri 1,6%, xidmət tarmifləri 0,2% bahalaşıb.
Dövlət Statistika Komitəsi oktyabr ərzində ət məhsullarının qiymətinin 0,3%, süd məhsulları, pendir və yumurtanın qiymətinin 2%, un məmulatlarının qiyməti 0,7%, balıq məhsulları qiyməti 2,9%, tərəvəzin qiyməti 8,7%, qənd və qənnadı məmulatlarının qiyməti 02%, kofe, çay, kakaonun qiyməti 0,9% artacağını müəyyən edib. Bu dövr ərzində yağ və piyin qiyməti 0,2%, meyvələrin qiyməti 0,4%, mineral su və sərinləşdirici içkilər və şirələrin qiyməti 1,2% , spirtli içkilərin qiyməti 0,8% azalıb.
Keçən ilin analoji dövrü ilə müqayisədə 2006-cı ilin keçən 10 ayı ərzində infilyasiyanın artım tempi 7,7% təşkil edir. Bununla bərabər ərzaq mallarının qiyməti 11%, qeyri-ərzaq məhsullarının qiyməti 5%, xidmət sferasındakı tariflər isə 2,4% artıb. Oktyabrda ərzaq mallarının və xidmət sferasındakı tariflər keçən ilin analoji dövrü ilə müqayisədə 11,2%, dekabrla müqayisədə isə 7,6% artıb.
