Kapital Bank 2007-ci ildə 3,2 mln. manat səviyyəsində gəlir əldə etməyi planlaşdırır. Trend xəbər verir ki, bankın Maliyyə menecmenti departamentinin direktoru Məhyəddin Məmmədovun bildirdiyi kimi, 2006-cı illə müqayisədə gəlirin 27,8% artacağı gözlənilir.
Bu zaman Kapital Bankın gəlirlərinin 29 mln. manat həcmində, xərclərin isə - 25,850 mln. manat həcmində olacağı proqnozlaşdırır. Bu gözləntilər ötən ilin yekunlarına görə gəlir maddələrinin 26,3% - 24,318 mln. manata qədər, xərclərin isə - 46,8%, yəni 21,206 mln. manata qədər artması ilə bağlıdır.
Bank rəhbərliyi növbəti üç il üçün nəzərdə tutulmuş yeni strateji planın hazırlanmasına başlamaq niyyətindədir. Əvvəlki plan 2004-cü ildə hazırlanıb və üç illik dövrü əhatə edir. Lakin ötən il Kapital Bankın proqnozları qabaqlayan inkişaf göstəricilərini nəzərə alaraq, onların yenidən baxılmasına ehtiyac var.