Azərbaycan, Naxçıvan/ Trend , müxbir E.Məmmədov/ Avqust ayının axırlarından etibarən Naxçıvan Muxtar Respublikasında ipoteka kreditlərinin verilməsinə başlanacaq. Bu barədə Milli Bankın Naxçıvan Muxtar Respublikası İdarəsinin sədri Səbuhi Məmmədov məlumat verib.
Onun sözlərinə görə bu ayın axırlarından etibarən muxtar respublikada fəaliyyət göstərən müvəkkil kredit təşkilatları tərəfindən İpoteka Fondunun vəsaiti hesabına kreditlərin verilməsinə başlanacaq.
İpoteka kreditləşməsinə investorların cəlb edilməsi məqsədilə Milli Bankın idarə heyətinin 31 may 2007-ci tarixli qərarı ilə Azərbaycan İpoteka Fondunun Naxçıvan Muxtar Respublikası filialı yaradılıb.
İdarə sədri əlavə edib ki, Naxçıvan Muxtar Respublikasından indiyədək 29 vətəndaş ipoteka krediti ilə bağlı müraciət edib.