Azərbaycan, Bakı, 31 iyul/ Trend / Azərbaycan Dövlət Neft Şirkətinin (ARDNŞ) Ekologiya İdarəsi Dünya Bankı və Kanadanın "Slearstone Engineerinq" şirkətinin nümayəndələri ilə "Təmiz inkişaf mexanizmi" layihəsinin realizə imkanlarını müzakirə edib. Bu barədə İdarənin məlumatında bildirilir.
Bundan əlavə, səmt qazının utilizasiyasına dairAzərbaycan Dövlət Neft Şirkətinin mütəxəssisləri tərəfindən hazırlanmış yeni metodologiyanın MDB İcra Şurası tərəfindən qeydiyyatı yolları müzakirə edilib.
Əvvəllər ARDNŞ "Kioto protokolu"nun təmiz inkişaf mexanizmi çərçivəsində "28 may" və "Neft Daşları" neft-qaz çıxarma idarələrində parnik effekti yaradan qazların atmosfera atılmasının inventarlaşdırılması layihəsini hazırlayıb.
Bu layihələrin əsas məqsədi parnik effekti yaradan qazların atmosferə atılmasının qarşısının alınmasından ibarətdir. Hazırda ARDNŞ onun tərkibinə daxil olan müəssisələrdə və məhsulun pay bölgüsü haqqında müqavilələr çərçivəsində əməliyyat şirkətlərində bu istiqamətdə işlər aparır.
"Kioto protokolu" 1997-ci ildə imzalanıb. Protokolun imzalanmasında əsas məqsəd parnik effekti yaradan qazların havaya atılması həcmini elə bir səviyyəyə çatdırmaqdır ki, bu zaman onlar planetdə iqlimin dəyişməsinə təsir etməsinlər. Azərbaycan bu protokolu 2000-ci ildə təsdiq edib.
