...

Türkiyə idxal etdiyi Azərbaycan qazının həcmini artırmaq istəyir

Energetika Materials 28 Avqust 2008 16:00 (UTC +04:00)

Azərbaycan, Bakı, 28 avqust/ Trend , müxbir V.Şərifov/ Türkiyənin energetika və təbii sərvətlər naziri Helmi Gülər bu ölkənin aldığı Azərbaycan qazının həcminin artırılması məsələsinin müzakirəsi üçün gələn həftə Bakıya gələcək, -Türkiyə mətbuatı yazır.

Türkiyə əsasən daxili bazarda tələbatı ödəmək üçün Azərbaycan qazının alınmasını artırmaq istəyir. 2007- ci ildə Türkiyə Cənubi Qafqaz qaz kəməri ilə (SCP) Xəzərin "Şahdəniz" yatağından "Mərhələ- 1" çərçivəsində hasil edilən 1,34 mlrd. kubmetr Azərbaycan qazı alıb. Botas şirkətinin məlumatlarına əsasən, Türkiyə yanvar-iyulda Azərbaycandan 2,62 mlrd. kubmetr qaz idxal edib. Bu müddətdəTürkiyə ümumilikdə müxtəlif mənbələrdən 22,8 mlrd. kubmetr qaz idxal edib. Bütün 2007- ci il ərzində idxal olunan qaz isə, 36,5 mlrd. kubmetr olub.

Azərbaycan qazının alınmasının artırılması "Şahdəniz" layihəsi çərçivəsində "Mərhələ -2"-nin realizəsinin başlaması ilə mümkündür ki, bu da 2012-ci ilə təyin edilib. Nazirin Bakıya səfəri zamanı əsası bu ölkədə qoyulacağı nəzərdə tutulan"Nabukko" qaz kəmərinin tikintisi məsələsini müzakirəsi də planlaşdırılır. Bakıdan sonra Gülər Türkmənistana yola düşəcək. Bu ölkə "Nabukko" boru kəməri ilə şəxsi qazını nəql edə bilər.

Türkmənistan qazı Xəzərin sol sahilinə çəkilməsi planlaşdırılan TransXəzər qaz kəməri ilə nəql edə bilər. Bu kəmərin texniki-iqtisadi əsaslandırılmasının hazırlanması üçün Amerikanın TDA Agentliyi Azərbaycan Dövlət Neft Şirkətinə $1,7 mln. qrant ayırıb. TransXəzər qaz kəmərinin gücü ildə 20 mlrd. qaz təşkil edə bilər. Tikintinin dəyəri $10 mlrd. qiymətləndirilir. TransXəzər vasitəsilə öz qazını Bakıya çatdıran Türkmənistan qazı "Nabukko"yadək çatdıra biləcək SCP-yə çıxış əldə edə bilər.

"Şahdəniz" yatağının işlənilməsinə dair saziş 1996 - cı ilin iyunun 4 - də imzalanıb. Saziş iştirakçıları bunlardır: BP (operator- 25,5%), Statoil (25,5%), NICO (10%), Total (10%), LUKAgip (10%), TPAO (9%), ARDNŞ (10%).

Müəlliflə əlaqə saxlamaq üçün elektron ünvan: [email protected]

Xəbər lenti

Xəbər lenti