Azərbaycan, Bakı, 16 dekabr/ Trend , müxbir N.İsmayılova/ Qlobal iqtisadi artımın gözlənilən yavaşıması Rusiya və MDB ölkələrinin neft - qaz şirkətlərinin yaxşı kreditqabiliyyətlilik göstəricilərinə təzyiq göstərə bilər, - Fitch Ratings-in Rusiya və Müstəqil Dövlətlər Birliyinin (MDB) neft - qaz sektoru şirkətlərinin 2009-cu ildə kreditqabiliyyətliliyi proqnozuna həsr olunmuş hesabatında deyilir.
"Qarşıdakı ildə Rusiya və MDB-nin neft-qaz sektoru şirkətləri son bir neçə il ərzində qarşılaşmadıqları bəzi çətinliklərlə üzləşəcəklər, - Fitch-in YEK (yanacaq-energetika kompleksi) sektoru üzrə London analitik qrupunun baş direktoru Cefri Vudraf bildirib. - Qlobal kapital bazarlarında ağır vəziyyətlə əlaqədar, Fitch, ən böyük çətinliyin işləmə layihələrinin maliyyələşdirilməsinin olacağını gözləyir".
Fitch-in hesabatında bildirilib ki, iqtisadiyyatın proqnozlaşdırılan qlobal yavaşıması, çox ehtimal ki, neftə tələbatın azalmasına gətirəcək və son illərlə müqayisədə neft qiymətlərinin daha yüksək dəyişkənliyini şərtləndirəcək. Bu, Rusiya və MDB-nin neft - qaz şirkətləri üçün yaxşı kreditqabiliyyətlilik göstəricilərinin saxlanılması baxımından çətinliklər yarada bilər.
2009 - cu ildə Rusiya və MDB-nin karbohidrogenlər sektoru üçün əsas məqam yeni işləmə layihələrinin maliyyələşdirilməsi üçün xarici fondlaşdırmaya çıxış olacaq.
"Qərbi Avropa və ya Latın Amerikasındakı şirkətlərlə müqayisədə, Rusiya və MDB-nin neft-qaz operatorları kəşfiyyat və işləmə layihələrinin maliyyələşdirilməsi üçün xeyli dərəcədə xarici vəsaitlərdən asılıdırlar. 2009-cu ildə borclanma üçün açıq vəsaitlərin həcminin azalması, borc vəsaitlərinin dəyərinin xeyli artması və ya kapital bazarlarına çıxışın olmaması kimi amillərin şirkətlərin maliyyə mövqelərinə xeyli təsir göstərəcəyi gözlənilir", - hesabatda deyilir.
Fitch-in Rusiya və MDB ölkələrində reytinq verdiyi neft-qaz şirkətlərinin əksəriyyətinin hazırda davamlı balansı var ki, onların 2009-cu ilə daxil olacaqları güclü kreditqabiliyyətliliyi göstəriciləri buna dəlalət edir. Bu sektorun şirkətləri əksərən 2008-ci ildə neftin rekord dərəcədə yüksək qiymətləri sayəsində əməliyyat fəaliyyətindən əldə edilmiş pul axınları hesabına kapital yatırımlarını maliyyələşdiurmək iqtidarındadırlar. Eyni zamanda, Fitch 2009 - cu ildə neftin daha aşağı qiymətlərinin Rusiya və MDB-nin digər ölkələrinin əksər neft-qaz şirkətlərini qismən kapital yatırımları layihələrini azaltmağa və daha çox biznesin qorunmasına kapital yatırımlarına uyğun gələn xərclər səviyyəsinə keçməyə məcbur edəcəyini gözləyir. Kapital yatırımları və digər əməliyyat şirkətlərinin azalması şirkətlərin çoxuna neftin daha aşağı qiymətli ilə əlaqədar olan kreditqabiliyyətliliyi göstəricilərinin pisləşməsini məhdudlaşdırmağa imkan verməlidir.
Müəlliflə əlaqə saxlamaq üçün elektron ünvan: [email protected]
