Azərbaycan, Bakı, 04 iyun / Trend , müxbir E.İsmayılov /
"SOCAR və BP Xzərin Azərbaycan hissəsində yerləşən D-8 və D-10 perspektivli qaz strukturlarında iş üzrə danışıqlara başlayır", - cümə axşamı SOCAR şirkətinin geologiya, geofizika və yataqların işlənməsi üzrə vites-prezidenti Xoşbəxt Yusifzadə deyib.
"İşlənmələrin başlanmasına hələ çox var, ancaq bu strukturlarda iş artıq planlaşdırılır. Yaxın zamanlarda onların adları dəyişdiriləcək. Bu strukturlarda işin yaxın perspektivdə başlanması planlaşdırılır, ancaq dəqiq tarix məlum deyil", - Yusifzadə bildirib.
Yusifzadə qeyd edib ki, bu strukturlar dərinsuludur və onların dərinliyi təxminən 7-7.5 min metrdir. Yusifzadənin fikrincə, bu strukturların qazla dolu olması ehtimalı böyükdür.
"Əvvəllər bu strukturlarda yalnız ikiölçülü geofiziki tədqiqatlar aparılıb", - Yusifzadə deyib.
Hazırda BP Azərbaycandakl iki ən böyük neft-qaz hasilatı layihələrinin operatorudur. Onlardan biri "Azəri-Çıraq-Günəşli" yataqlar bloku və "Şahdəniz" qaz-kondensat yatağının işlənməsi layihəsidir. ВР həm də "Bakı-Tbilisi-Ceyhan"ın operatoru və "Bakı-Tbilisi-Ərzurum" - "Cənubi-Qafqaz" qaz kəmərinin texniki operatorudur. Hazırda BP tərəfindən realizə edilən layihələrə Azərbaycanın neft və qaz hasilatının əsas hissəsi düşür.