Azərbaycan, Bakı, 05 iyun / Trend , müxbir E.İsmayılov /
"Proqnozlara əsasən, 2015-ci ildə Azərbaycanda qaz hasilatı 33,2 milyard kubmetr təşkil edəcək. Bu il hasil edilən qazın həcmi isə 27 milyard kubmetr olacaq", - SOCAR-ın məlumatında deyilir.
2015-ci ildə ölkədə hasil ediləcək qazın 24 milyard kubmetri SOCAR-la birlikdə Xəzər dənizinin Azərbaycan sektorunda yerləşən "Azəri-Çıraq-Günəşli" və "Şahdəniz" yataqlarını işlədən xarici şirkətlərin konsorsiumunun payına düşəcək. 2015-ci ildə hasil ediləcək qazın 9,2 milyard kubmetri isə SOCAR-ın payına düşəcək.
Xarici şirkətlərin konsorsiumunun hasil etdiyi qazın 6,5 milyard kubmetri, SOCAR tərəfindən isə şirkətin öz yataqlarından əldə etdiyi 8,1 milyard kubmetri dövlətə veriləcək.
Ümumi həcmdən 7,3 milyard kubmetr ixraca yönəldiləcək. Bununla yanaşı, 8,2 milyard kubmetr qaz "Azəri-Çıraq-Günəşli" yatağında təzyiqin saxlanılması üçün laylara vurulacaq. Qalan 3,1 milyard isə xarici şirkətlərin konsorsiumunun və SOCAR-ın ehtiyacının ödənilməsinə yönəldiləcək.
Proqnozlara əsasən, 2014-ci ildə Azərbaycanda qaz hasilatı 32,2 milyard kubmetr təşkil edəcək. 2010-cu ildə hasil edilən qazın həcmi 27,8 milyard kubmetr olacaq.
2014-cü ildə ölkədə hasil ediləcək qazın 23,5 milyard kubmetri SOCAR-la birlikdə Xəzər dənizinin Azərbaycan sektorunda yerləşən "Azəri-Çıraq-Günəşli" və "Şahdəniz" yataqlarını işlədən xarici şirkətlərin konsorsiumunun payına düşəcək (2010-cu ildə 19,8 milyard kubmetr). 2014-cü ildə hasil ediləcək qazın 8,7 milyard kubmetri SOCAR-ın payına düşəcək (2010-cu ildə 8 milyard kubmetr).
Rəsmi məlumatlara əsasən, 2013-cü ildə Azərbaycanda qaz hasilatı 31,1 milyard kubmetr təşkil edəcək. Xarici şirkətlərin konsorsiumunun hasil etdiyi qazın həcmi 22,8 milyard kubmetr, SOCAR-ınkı isə 8,3 milyard kubmetr olacaq.
2012-ci ildə Azərbaycanda qaz hasilatı 29,8 milyard kubmetr təşkil edəcək. Burada xarici şirkətlərin konsorsiumunun hasil etdiyi qazın həcmi 21,8 milyard kubmetr, SOCAR-ınkı isə 8 milyard kubmetr olacaq.
2011-ci ildə Azərbaycanda qaz hasilatı 28,3 milyard kubmetr təşkil edəcək. Burada xarici şirkətlərin konsorsiumunun hasil etdiyi qazın həcmi 20,6 milyard kubmetr, SOCAR-ınkı isə 7,7 milyard kubmetr olacaq.
Məqalə müəllifi ilə əlaqə ünvanı: [email protected]
