Azərbaycan, Bakı, 25 avqust / Trend , müxbir E.İsmayılov /
Yanvar-iyulda Bakı-Tbilisi-Ceyhan (BTC) kəməri ilə Türkiyə ərazisindən 165,1 milyon bareldən çox neft nəql edilib. Yanvar-iyunda bu rəqəm 139,5 milyon bareldən çox olub. Bu barədə Türkiyənin "Botaş" dövlət boru şirkətinin rəsmi saytında yerləşdirilən məlumatda deyilir.
İyulda ВТС ilə Türkiyə ərazisindən təxminən 25,6 milyon barel neft nəql edilib. İyunda bu rəqəm 25,9 milyon barelə bərabər olub.
Ümumilikdə, 2008-ci ildə ВТС ilə Türkiyə ərazisindən 264 milyon barel neft nəql edilib.
ВТС neft kəməri ilə Azərbaycanın yüngül Azeri Light markalı nefti, həmçinin kiçik həcmdə Qazaxıstanın "Tengiz" yatağından çıxarılan neft nəql edilir. Yanvar-iytunda BTC ilə təxminən 6,7 milyon barel Tengiz nefi nəql edilib.
BTC boru kəmərinin ümumi uzunluğu 1768 kilometrdir. Bunun 443 kilometri Azərbaycan, 249 km-i Gürcüstan, 1076 km-i Türkiyə ərazisindən keçir. Boru kəmərinin tikintisi 2003-cü ildə, onun neftlə doldurulması isə 2005-ci il mayın 18-də başlayıb.
BTC Co-nun səhmdarları aşağıdakılardır: BP (30,1 faiz); AzBTC (25 faiz); Chevron (8,90 faiz); Statoil (8,71 faiz ); ТРАО (6,53 faiz ); Eni (5 faiz ); Total (5 faiz ); Itochu (3,40 faiz ); Inpex (2,50 faiz ); ConocoPhillips (2,50 faiz ) və Amerada Hess (2,36 faiz ).
İyulda İraq-Türkiyə kəməri ilə Türkiyə ərazisindən təxminən 16 milyon barel neft nəql edilib ki, iyunda bu rəqəm təxminən 16,3 milyon barelə bərabər olub. Ümumilikdə, yanvar-iyulda bu kəmər vasitəsilə 100,5 milyon barel neft nəql edilib.
İyulda Ceyhan-Kırıkkale kəməri ilə Türkiyə ərazisindən 2,1 milyon barel neft nəql edilib ki, iyunda bu rəqəm təxminən iki milyon barelə bərabər olub. Ümumilikdə, yanvar-iyulda Ceyhan-Kırıkkale kəməri ilə təxminən 11,7 milyon barel neft nəql edilib.
İyulda Batman-Dördyol kəməri ilə 724 min barel neft nəql edilib ki, iyunda bu rəqəm təxminən 1,5 milyon barelə bərabər olub. Ümumilikdə yanvar-iyulda bu kəmərlə təxminən 7,6 milyon barel neft nəql edilib.
Məqalə müəllifi ilə əlaqə ünvanı: [email protected]
