Azərbaycan, Bakı, 07 oktyabr / Trend /
Yanvar-sentyabr aylarında ARDNŞ-nin Heydər Əliyev adına Bakı Neft Emalı zavodu tərəfindən 120 min tondan artıq maye qaz istehsal edilib. Ötən ilin müvafiq dövründə bu göstərici 135 min tona yaxın olub.
Sentyabrda NEZ-də 19 min tona yaxın maye qaz istehsal edilib.
2008-ci ildə ARDNŞ tərəfindən 181,13 min tona yaxın maye qaz istehsal edilib. 2007-ci ildə 145,03 min ton həcmində maye qaz istehsal edilib. Maye qazın ümumi həcmini butan-butilen fraksiyası təşkil edib.
2006-cı ildə butan-butilen fraksiyasının həcmi 148,22 min ton təşkil edib. 2005-ci ildə bu göstərici 129,62 min tona bərabər olub.
2006 və 2007-cı illərdə olduğu kimi, 2008-ci ildə də bu müəssisədə propan-propilen fraksiyası istehsal edilməyib. 2005-ci ildə propan-proetilen fraksiyasının həcmi 3,02 min ton təşkil edib.
