Azərbaycan, Bakı, 25 yanvar /Trend/
2010-cu ildə Azərbaycan İstilik Elektrik Stansiyası (İES) 5,24 milyard kilovat/saata yaxın elektrik enerjisi istehsal edib ki, bu da proqnozlaşdırılandan 30,2 milyon kilovat/saat çoxdur. Trend-in məlumatına görə, bu barədə "Azərenerji" SC-nin yaydığı məlumatda deyilir.
Ötən ilin dekabrında İES tərəfindən 518,3 milyon kilovat/saatdan çox elektrik enerjisi istehsal edilib.
Stansiya hər birinin gücü 300 meqavat olan səkkiz enerji blokundan ibarətdir. Hazırda İES-də yenidənqurma işləri aparılır. İşlər başa çatdıqdan sonra stansiyanın gücü 2000 meqavatdan 2600 meqavatadək artacaq.